काठमाडौं- प्रधानमन्त्री केपी शर्मा ओलीले राष्ट्रियता कसैको सानो र ठूलो नहुने बताएका छन् । आजको संसद बैठकमा सम्बोधन गर्दै प्रधानमन्त्रीले राष्ट्रियताको सवालमा सबै राष्ट्र समान हुने बताए ।

उनले देशको राष्ट्रियताको सवालमा कसैले औला उठाउन नसक्ने बताए।

प्रधानमन्त्री ओलीले कुनै पनि मुलुकको क्षेत्रफल सानो हुँदैमा राष्ट्र सानो नहुने बताएका छन् । उनले हरेक राष्ट्रको आफ्नै स्वाभिमान हुने धारणा राखे ।

कतिपय बुद्धिजिबीले छिमेकीको इशारामा सरकार फेरिने टिप्पणी गरेको भन्दै उनले भने ‘यो सरकार नेपाली जनताले बनाएको हो । कुनै विदेशको इशारामा ढल्दैन ।’

साथै उनले नेपालमा अब कुनै तानाशाह आउने सम्भावना नरहेको बताए । भ्रष्टाचार नियन्त्रणको सन्दर्भमा प्रधानमन्त्री ओलीले अहिलेको सरकारले छानबिन गर्न थालेपछि केशहरु देखिएको टिप्पणी गरे । भ्रष्टाचारीलाई छानबिन र कार्वाही गर्ने काम अगाडी बढ्दै जाने उनले बताए ।

प्रधानमन्त्री ओलीले आफ्नो सरकार कुनै विदेशी राजदूतले भूमिका खेलेर टिक्ने र ढल्ने कल्पना पनि गर्न नहुने पनि बताए ।

प्रधानमन्त्री ओली आफ्नो सरकार नेपाली जनताको आदेशमा बनेकाले कसैले हटाउन नसक्ने बताए।

‘केहीले भनेको सुनियो- गइसक्या थियो फलाना देशका राजदूतले भूमिका खेलेर अड्याइदियो,’ प्रधानमन्त्री ओलीले भने,‘अहिले नेपाली जनताको स्वाभिमानमाथि यस्ता निम्छरा बचन नबोल्दिए राम्रो हुन्थ्यो। यो सरकार नेपाली जनताबाट बनेको हो कुनै देशको आशिर्वाद टिक्ने र ढालिने कल्पना नगरे हुन्छ।’

उनले सरकार ढलोस् भनेर कसैले इच्छा गर्न पाइने तर त्यस्तो इच्छा पूरा नहुने बताए।