काठमाडौं- प्रधानमन्त्री केपी शर्मा ओलीले दैनिकी परिवर्तन गरेरै भएपनि देशलाई कोरोनामुक्त बनाइने बताएका छन् । प्रतिनिधिसभाको आजको बैठकमा सम्बोधन गर्दै प्रधानमन्त्री ओलीले बाहिरबाट आउने नेपालीको उचित व्यवस्थापन गर्न नस्कदा समस्या थपिएको बताए ।

प्रधानमन्त्रीले सम्बोधनका क्रममा भने, ‘हामी पनि कोरोनामुक्त देश घोषणा गर्ने लक्ष्य भएपनि बाहिरबाट आउने नेपालीलाई रोक्न सकिएन । अलिकति सिमानामा आएर बस्नेका कारण, जनप्रतिनिधिका कारणले लगाएतका कारणले अबस्था भयावहतर्फ जानसक्ने चिन्ता छ । यसलाई व्यवस्थापन गर्नुपर्छ ।’

प्रधानमन्त्रीले अहिलेपनि रोकथामका लागि नेपाल सक्षम रहेको बताए । लकडाउनको पालनामा नागरिक जिम्मेवार बन्नुपर्ने उनले बताए । चीनबाट नेपाली विद्यार्थी ल्याएर क्वारेन्टाइनमा राख्दा सबैले सरकारको प्रशंशा गरेको उल्लेख गर्दै प्रधानमन्त्री ओलीले अब पनि सबै व्यवस्थित हुनुपर्ने बताए ।

उनले कोरोनाको संक्रमण दर नबदलिएपनि हाम्रो आनिबानी सुधार गर्नुपर्ने बताए ।