काठमाडौं – यतिबेला सरकारले गरेको लकडाउनका कारण कलाकारहरु होम क्वारेन्टाइनमा छन् । कलाकारहरु फुर्सदमा हुँदा सामाजिक सञ्जालमा सक्रियता बढाएका छन् ।

यसैबीच कलाकार नाजिर हुसेनले सरकारलाई खबरदारी गर्दै एक पोस्ट सामाजिक सञ्जालमा पोस्ट गरेका छन् । उनले प्लेकार्ड बोकेको श्यामस्वेत तस्वीर शेयर गर्दै सरकारलाई खबरदारी गरेका हुन् ।

‘सत्ता तपाईंसँगै छ, शक्ति तपाईंसँगै छ, अनि लौरो पनि तपाईंसँगै छ’ नाजिरले प्लेकार्डमार्फत आह्वान गरेका छन्, ‘कि खान देऊ, कि जान देऊ ।’

नाजिरले लकडाउनका कारण अलपत्र परेका मजदुरको पक्षमा आवाज उठाएका छन् । यसअघि नाजिरले कवितामार्फत घर नभएर अलपत्र परेकाको सम्मानमा कविता लेखेका थिए ।

लकडाउनका समयमा नाजिरले कविता लेख्ने तथा पुस्तक पढ्ने गरिरहेका छन् । साथै उनी सामाजिक सञ्जालमा पनि रमाएका छन् ।