काठमाडौं- भारतीय प्रधानमन्त्री नरेन्द्र मोदीले भारतमा जनता कर्फ्यूको घोषणा गरेका छन् ।

बिहीबार साँझ टेलिभिजन स‌म्बोधनमा प्रधानमन्त्री मोदीले कोरोना भाइरसको महामारी रोक्न आउँदो आइतबार भारतमा जनता कर्फ्यूको घोषणा गरेका हुन् ।

उनले आउँदो आइतबार विहान ७ बजेदेखि साँझ ९ बजेसम्म  सवै नागरिकलाई अत्यावश्यकबाहेक घरबाट बाहिर ननिस्किँन आग्रह गरेका छन् ।

सम्बोधनका क्रममा प्रधानमन्त्री मोदीले कोरोनाका कारण विश्वमा संकट गुज्रिरहेको बताउँदै सरकारको निर्देशन पूर्ण रुपमा पालना गर्न समेत आग्रह गरे । उनले भने, ‘कोरोनाको संकट सामान्य कुरा होइन ।’

उनले जनता कर्फ्यूको दिन साँझ ५ बजे घरको ढोकामा उभिएर ५ मिनेट ताली, थाल र घण्टी बजाएर नागरिकको हौसला बढाउन समेत आग्रह गरेका छन् ।