प्राय रोगहरु आर्थिक अभाव भएका वा गरीबहरुका लागी उपचार असम्भव बनिदिन्छ ।

जसका कारण अधिकाशं मानिसको सोचमा रोग भनेको गरीबका लागी मात्र हो भन्ने पर्दछ । धनीहरुले पैसा वा पहुचको आधारमा उपचार पाउने वा रोगको संक्रमणबाट बच्ने गरेका थुप्रै उदाहरणहरु छन् ।

तर विश्वभर महामारीका रुपमा फैलिएको कोरोना भाइरस धनी गरीब, आम वा खास ब्यक्ति सबैबीच समान भएर देखा परेको छ ।

कोरोनाको संक्रमण जती आम मानिसमा फैलिएको छ, त्यति नै मात्रामा धनी मानिस बिच पनि यसको संक्रमण रहेको पाइएको छ । जान्नुहोस्, कोरोनाले विश्वका कुन ठुला ब्यक्तित्व वा नेताहरुलाई समेत संक्रमित बनाएको छ ।

बिभिन्न अन्तराष्ट्रिय सञ्चार माध्यमका अनुसार ईरानकी महिला एवम् पारीवारीक मामलाकी वर्तमान उपाध्यक्ष मसूमेह एब्टेकरलाई कोरोना भाइरसको संक्रमण भएको छ ।

यसका अलावा इग्ल्याण्डका स्वास्थ्य मन्त्री नाडिन डोरिसलाई पनि यस भाइरसको संक्रमण भएको छ ।

क्यानडाका राष्ट्रपति जस्टिन टेड्रउकी पत्नी सोफी ग्रेगोर टेड्रउलाई समेत कोरोनको संक्रमण छ ।

स्पेनका प्रधानमन्त्री पेड्रो सेन्चेजकी पत्नी बेगोना गोम्ज पनि कोरोना भाइरसको संक्रमणको शिकार बनेकी छन् ।

यसका अलावा अस्ट्रेलियाका गृहमन्त्री पीटर डटनलाई कोरोना भाइरसको संक्रमण भएको छ ।

त्यसैगरी फ्रान्सका संस्कृति मन्त्री फ्रैन्क रिस्टरलाई पनि कोरोना भाइरसको संक्रमण भएको थियो, जो निदान भइसकेको छ ।