काठमाडौं– राष्ट्रिय हवाई नीति परिमार्जन गर्न गठन गरिएको कार्यदलले तयार पारेको मस्यौदा सरकारलाई हस्तान्तरण गरेको छ ।

कार्यदलका संयोजक यज्ञप्रसाद गौतमले संस्कृति पर्यटन तथा नागरिक उड््डयन मन्त्री योगेश भट्टराईलाई ‘राष्ट्रिय हवाई नीति २०७६’ को मस्यौदा बुझाएका हुन् ।

मस्यौदा बुझ्दै मन्त्री भट्टराईले हवाई सुरक्षामा सरकारले कुनै सम्झौता नगर्ने जनाए ।

सरकारले उपभोक्तको हितलाई प्रमुख प्राथमिकतामा राख्ने भन्दै मन्त्री भट्टराईले निजि क्षेत्रलाई हवाई क्षेत्रमा प्रोत्साहन गरिने उल्लेख गरे ।
हवाई नीतिमा १५ वर्ष पुराना र ३५ हजार साइकल पूरा गरेका विमान खरिद गर्न नपाइने व्यवस्था छ ।

५ वर्ष भन्दा कमका जहाज खरिदमा सरकारले सहुलियत दिने व्यवस्था समेत हवाई नीतिको मस्यौदामा उल्लेख गरिएको छ ।

हवाई उड्डयनलाई स्तरीय बनाउनका लागि करिब आधा दर्जन विधेयकहरु ल्याउन लागिएको समेत मन्त्री भट्टराईले बताए ।