म्याग्दी- नेत्र विक्रम चन्द ‘विप्लव’ नेतृत्वको प्रतिबन्धित  नेकपाले गण्डकी प्रदेशका चार जिल्लामा गरेको बन्दको आंशिक प्रभाव परेको छ ।

पार्टीका म्याग्दी नेता गजेन्द्र पुन ‘जगत’को शङ्कास्पद मृत्यु भएको भन्दै विप्लव नेकपाले आज पर्वत, बागलुङ, म्याग्दी र मुस्ताङमा बन्द आह्वान गरेको छ।

म्याग्दीको मालिका गाउँपालिका–३ अदिभारा घर भएका पुनलाई पोखरास्थित पश्चिमाञ्चल क्षेत्रीय अस्पतालको सघन उपचार कक्षमा राखेर उपचार गरिएको थियो । उनको मङ्सिर २९ गते मृत्यु भएको थियो।

पर्वत जेल प्रशासनले पुनको स्वास्थ्यप्रति गम्भीर खेलबाड गरेको तथा उपचारमा लापरबाही गरेको आरोप लगाउँदै आज बन्द गरेको हो । बन्दका कारण ती क्षेत्रमा फाट्टफुट्ट मात्रै सवारी साधन सञ्चालन भएका छन् ।