विराटनगर– प्रहरीले मोरङको उर्लाबारीबाट लागू औषध बेचबिखन एवं सेवन गरेको आरोपमा एक युवतीसहित ९ जनालाई पक्राउ गरेको छ ।

मोरङ प्रहरीका अनुसार गोप्य सूचनाको आधारमा मंगलबार राति १० बजेर १० मिनेटमा उर्लाबारी–७ स्थित छोमाई तामाङको घरमा उनीहरुलाई ४ ग्राम ७ सय २७ मिलिग्राम ब्राउन सुगर, १ सय ८४ ग्राम २ सय ३० मिलिग्राम गाँजा र पाँच मोटरसाइकलसहित उनीहरुलाई पक्राउ गरिएको हो ।

पक्राउ पर्नेहरुमा उर्लाबारी–७, स्कुलडाँडाका २१ वर्षीय ममता तामांग, बरगाछीका २४ वर्षीय मिलन याक्सो, १९ वर्षीय असिम लिम्बू, उर्लाबारी–९, भोटेपुलको २८ वर्षीय आकाश लिम्बु, रतुवामाई नगरपालिका इटहराका २२ वर्षीय रुपममान केदेम (लिम्बु), २५ वर्षीय मञ्जिल बस्नेत, रतुवामाई–१० सातमेडिका १९ वर्षीय एन्जील मगर, झापा दमक नगरपालिका–७ बजार लाइनका १९ वर्षीय ससिन शेख र दमक–४ सिर्जना टोलका ३० वर्षीय सुमन सुनुवार रहेका छन् ।