वास्तुशास्त्र यस्तो शास्त्र हो जहाँ जीवनलाई सुखी बनाउने भन्ने कैयौं उपाय सुझाइएको हुन्छ । वास्तुको माध्यमले घरमा सकारात्मक ऊर्जा आउने र नकारात्मक ऊर्जा हटेर जाने गर्दछ ।

कतिपय अवस्थामा घरमा भएका केही चीजका कारण धनकी लक्ष्मी घरबाट फर्केर जाने धार्मीक मान्यता रहेको छ । आज हामी घरमा सुख, शान्ति कायम राख्न घरबाट हटाउनु पर्ने चीजबारे चर्चा गर्नेछौः

१. यदि तपाईंको घरमा टूटेफूटेका भाडाकुडा भए तुरुन्त ती सामाग्री घरबाट हटाउनु पर्दछ । यसले वास्तु दोष उत्पन्न गराउँछ ।

२. यदि लामो समयदेखि घरमा भाचिएको पंलग वा खाट रहेको छ भने तत्काल ति सामाग्रीलाई हटाउनु पर्दछ । अन्यथा वैवाहिक जीवनमा कष्ट आउन सक्छ ।

३. घरमा टुटेका सिसा राख्नु हुदैन अन्यथा परिवारका सदस्यले मानसिक कष्ट भोग्नु पर्दछ ।

४. घरको स्टोर कोठामा यदि कुनै टूटेको फोटो फ्रेम भए त्यसलाई तत्काल हटाउनु पर्दछ । यसले दुर्भाग्य निम्त्याउँछ ।

५. घरको मुख्यद्वार चर्किएको भए माता लक्ष्मी कहिल्यै घर नभित्रने मान्यता छ त्यसैले सम्भव अनुसार यसलाई हटाउनु पर्दछ ।

६. यदि लामो समयदेखि घरमा बन्द घडी छ भने यसले परीवारको उन्नतिमा बाधा निम्त्याउँछ ।

७. घरको पूजा कोठामा भगवानको टुटफुट भएको मूर्ती हुनु हुदैन । यसले राम्रो गर्दैन ।