गुल्मी- परराष्ट्रमन्त्री प्रदीप ज्ञवालीले अहिलेको अवस्थामा सरकार परिवर्तनको कुनै औचित्य नरहेको बताएका छन् ।

शनिबार गृह जिल्ला गुल्मी पुगेका उनले पार्टी भित्रको विवादलाई लिएर ‘पार्टीको धुरी खाँबो ढल्यो’ भने अस्तित्व नै समाप्त हुने बताए ।

उनले कार्यकर्ताहरुलाई पार्टी नफुट्ने कुरामा आश्वास्त पार्दै कार्यकर्तास्तरदेखि माथिसम्म पार्टी एकता कै पक्षमा उभिने बेला भएको बताए ।

उनले भने,  ‘पार्टीभित्र विवादमा अल्झिने बेला होइन, सबै राजनैतिक दलबीच एकता गरेर कोरोनाबिरुद्ध लड्न कसरी सकिन्छ । रोजगारी गुमाएकाहरुलाई कसरी रोजगारीमा जोड्न सकिन्छ, भारतले मिचेको नेपाली भूमी कसरी फर्काउन सकिन्छ भनेर चिन्ता गर्ने बेला हो ।’

उनले रेसु नगरपालिकाको आइसोलेशनलाई पीसीआर मेशिन हस्तान्तर गर्दै नगरपालिकाले खर्चमा कन्जुसाई नगरी कोराना विरुद्धको लडाईमा राम्रो ब्यवस्थापन गरेको बताए ।

मन्त्री ज्ञवालीले यति बेला सबै दलहरुबीच राष्ट्रिय एकताको खाँचो रहेको बताए ।