थप १८ जनामा कोरोना संक्रमण पुष्टि, नेपालमा संक्रमितको संख्या ३७५ पुग्यो

५ जेष्ठ २०७७, सोमबार

पढ्न लाग्ने समय : < 1 मिनेट

काठमाडौं- सोमबार राति थप १८ जनामा कोरोना संक्रमण पुष्टि भएको छ । यो सँगै नेपालमा कोरोना संक्रमितको संख्या ३७५ पुगेको छ ।

स्वास्थ्य तथा जनसंख्या मन्त्रालयले विज्ञप्ति जारी गर्दै थप १८ जनामा कोरोना संक्रमण पुष्टि भएको जानकारी दिएको हो ।

मन्त्रालयले सोमबार राती १०:१५ बजे सार्वजनिक गरेको विवरण अनुसार धनुषा, खोटाङ, बाँके, दैलेख, सुनसरी र झापामा गरी १८ जनामा संक्रमण देखिएको हो।

नेपालमा हालसम्म २ जनाको कोरोनाका कारण मृत्यु भइसकेको छ भने ३६ जना उपचारपछि निको भएका छन्।

प्रकाशित मिति : ५ जेष्ठ २०७७, सोमबार १० : २८ बजे

प्रतिक्रिया