काठमाडौं- विश्वव्यापी महामारीका रुपमा फैलिएको कोरोना भाइरसको संक्रमणका कारण विश्वका अधिकांश मुलुक लकडाउनको अवस्थामा छन् ।

नेपालमा पनि लकडाउन शुरु भएको सोमबार ५६ दिन पुगेको छ । यो लकडाउनको अवधिमा मानिसहरु मात्र नभएर जीवजनावर समेत खान नपाएर प्रभावित बनेका छन् ।

यही कुरालाई मध्यनजर गर्दै बुढानिलकण्ठ क्षेत्रका युवाहरुले दैनिक सडकमा रहेका कुकुरलाई खाना खुवाउँदै आएका छन् ।

‘मिलेर गरम सकेको गरम’ अभियानका साथ उनीहरुले सो सामाजिक कार्यलाई निरन्तरता दिँदै आएका छन् । कुकुरलाई खाना खुवाउनुका साथै असहायहरु तथा विपन्नहरुलाई समेत खाद्यान्न सहयोग गर्दै आएको अभियानका एस सदस्य साहिल गौतमले बताए ।

अभियानमा दिपेश भण्डारी (साने), प्रताप श्रेष्ठ , किरण थापा मगर , राहुल लुइँटेल, साहिल गौतम, सोनाम तामाङ , विकास बराल, सुजन लुइँटेल, विशाल खड्का लगायत छन् ।