काठमाडौं– राष्ट्रिय प्रजातन्त्र पार्टीका अध्यक्ष पशुपति शमशेर जबराले कोरोना भाइरस संक्रमण व्यवस्थापनका लागि आपतकालीन कोष निर्माण गर्न सरकारसँग माग गरेका छन् ।

विकास बजेटको खर्च नहुने ठूलो राशिलाई इंगित गर्दै कोरोना भाइरससम्बन्धी आपतकालीन कोष निर्माण गर्न सरकारलाई अध्यक्ष राणाले सुझाव दिएका छन् ।

विकास बजेटको २० प्रतिशत अंशमात्र खर्च हुने प्रक्षेपणलाई आधार लिएर उनले यस्तो माग अघि सारेका हुन् ।

विश्वव्यापी अनुभवबाट पाठ सिक्दै यथाशीघ्र आपतकालीन कदम चाल्नु पर्ने राणाको ठहर छ । कोरोना संक्रमणको हकमा ठूलो रकम छुट्याएर आपतकालीन कोष समयमै निर्माण गर्नुपर्ने उनले बताए ।

बुधबार ट्वीट गर्दै राप्रपाका अध्यक्ष राणाले भनेका छन्, ‘विकास बजेटको २० प्रतिशत अंशमात्र खर्च हुने प्रक्षेपण रहेकोमा कोरोना भाइरस संक्रमण व्यवस्थापनका लागि आपतकालीन कोष निर्माण गर्न ठूलै रकम छुट्याउन सरकारको ध्यानाकर्षण गराउदछु । विश्वव्यापी अनुभवबाट पाठ सिक्दै समयमै जिम्मेवारपूर्वक कडा कदम अत्यावश्यक भइसकेको छ ।’