मुम्बई – कोरोना भाइरसका कारण संसारभर आतंक मच्चिएको छ । कोरोनाका कारण हजारौंले ज्यान गुमाइसकेका छन् ।

यतिबेला भने कोरोनाका कारण आत्तिएको वाराणसीको काशीका गल्लीहरुमा फिल्म ‘स्त्री’ मा जस्तै ओ कोरोना कल आना (ओ कोरोना भोलि आउनू) लेखिएको पोस्टर टाँस्न थालिएको छ ।

पर्खाल तथा भित्ताहरुमा लगाइएको यो विषय कतिपयका लागि आकर्षक विषय पनि बनेको छ । वाराणसीको भेलूपुर क्षेत्रका कतिपय गल्लीहरुमा दर्जनौंभन्दा बढी पर्खाल र भित्ताहरुमा यही लेखिएको छ ।

हिन्दी फिल्म ‘स्त्री’ मा पनि ओ स्त्री भोलि आउनू भनेर लेखिएको हुन्छ । फिल्ममा त्यो देखेर भूत बनेकी स्त्री घरभित्र आउँदैन भन्ने देखाइन्छ ।

पोस्टर छपाउने र टाँस्ने ती युवकले आफू फिल्मबाट प्रभावित भएर टाँसेको बताएका छन् ।

उनले मान्छेलाई कोरोनाबाट जोगिन चासो जगाउन यस्तो गरेको प्रतिक्रिया दिएका छन् ।