काठमाडौं– नेपाली सेनाले शिवरात्रिका लागि गरेको ‘रिहर्सल’का कारण मंगलबार दिनभरिजसो आन्तरिक तथा बाह्य उडानहरु प्रभावित बनेका छन् ।

सैन्य अभ्यासका कारण मंगलबार तय भएका धेरै आन्तरिक उडानको तालिका प्रभावित बनेको त्रिभुवन विमानस्थलको उड्डयन कार्यालयले जानकारी दिएको हो ।

विमानस्थल कार्यालयका प्रवक्ता चन्द्रलाल कर्णका अनुसार बिहीबारै महाशिवरात्रीको लागि सेनाले अभ्यास (रिहर्सल) गरेका कारण २ घण्टा प्रभावित बनेको थियो ।

सेनाले  हेलिकोप्टर उडाएपछि विमानस्थलले सूचना जारी गर्दै विमान अवतरण तथा उडानका लागि अनुमति दिएको थिएन

अवतरणका लागि आएका विमानले अवतरणको अनुमति नपाएपछि केहीबेर आकाशमै फन्को लगाएका थिए ।

दिउँसो पौने २ देखि पौने ४ सम्म नेपाली सेनाले सेना दिवसको रिहर्सल गरेको थियो ।