काठमाडौं- भारतले कोरोना संक्रमण रोकथामका लागि लागू गरेको लकडाउन पुनः लम्ब्याएको छ ।
कोरोना भाइरस संक्रमणको जोखिमलाई मध्यनजर गर्दै भारतले लकडाउन पुनः थपेर मे ३१ अर्थात जेठ १८ सम्म पुर्याएको छ ।
भारतले चौथो चरणमा लकडाउनको अवधि थपेको हो। यसअघि प्रधानमन्त्री नरेन्द्र मोदीले चौथो चरणको लकडाउन फरक हुने बताएका थिए।
सोही अनुरुप भारतीय गृहमन्त्रालयले नयाँ दिशानिर्देश जारी समेत गरेको छ । जसमा आन्तरिक तथा अन्तर्राष्ट्रिय उडानमा प्रतिवन्ध लगाइएको छ ।
मेट्रो रेल समेत बन्द गरिने जनाइएको छ । राति ७ बजे देखि बिहान ७ बजेसमम् कर्फ्यू जारी रहने समेत जनाइएको छ ।
भारतमा गत चैत १२ गतेबाट लकडाउन जारी रहेको छ । भारतमा हालसम्म ९१ हजार बढी संक्रमित छन् भने २ हजार ८ सय बढीले ज्यान गुमाएका छन्। त्यस्तै ३४ हजार ५ सय जना निको भएका छन्।
National Disaster Management Authority (NDMA) asks Ministries/ Departments of Government of India, State Governments and State Authorities to continue the lockdown measures up to 31st May 2020. pic.twitter.com/tn0i85kVSK
— ANI (@ANI) May 17, 2020
प्रतिक्रिया