काठमाडौं – इटालीले आउदो जुनदेखि अन्तर्राष्ट्रिय यात्रामा लगाएको प्रतिबन्ध फुकुवा गरेको छ ।
शुक्रबार राति बसेको इटालीको मन्त्रिपरिषद् बैठकले देशभित्र र देशबाहिरका लागि गरिएका यात्राका प्रतिबन्ध हटाउने आउदो जुन ३ बाट हटाउने निर्णय गरेको हो ।
यसअघि मे १८ मा अन्त्य हुने गरी अवागमनमा प्रतिबन्धहरू लगाइएकोमा यो समयसीमा अरू २ हप्ता बढाइएको हो ।
इटालीले पहिलो पटक मार्च १० मा लागू भएको घरेलु लकडाउनका सर्तहरू बिस्तारै सहज बनाउदै लगेको छ ।
इटलीमा कोरोना भाइरसको संक्रमणले ३१ हजारभन्दा बढीको मृत्यु भएको छ भने २ लाख २४ हजार ७६० जना संक्रमित भएका छन् ।
प्रतिक्रिया