मुम्बई – सलमान खानको फिल्म ‘राधे’ मा चर्चित द्वन्द्व निर्देशकहरूको इन्ट्री भएको छ । तीमध्ये एक कोरियन छन् ।

पछिल्लो समय सलमान खानका फिल्मले खासै बिजनेस गर्न नसकेको अवस्थामा यो फिल्म थप राम्रो हुने विश्वासमा निर्माण टिमले ‘केजीएफ’ का द्वन्द्व निर्देशकलाई समेत फिल्ममा अनुबन्ध गरेको हो ।

भारतीय मिडियाका अनुसार एक नभएर ३ जना एक्सन निर्देशक ‘राधे’ मा ल्याइएको छ । फिल्मको एक्सन पक्षलाई थप राम्रो बनाउने निर्माण टिमको विश्वास छ ।

तीन निर्देशकमध्ये एक निर्देशक कोरियन छन् । उनी कोरियन फिल्म उद्योगमा पनि चर्चित भएको बताइन्छ । यस्तै दुई जनाले ‘केजीएफ’ लगायत कैयन् फिल्ममा एक्सन निर्देशन गरिसकेका छन् ।

स्रोतका अनुसार फिल्मको ९० प्रतिशत शूटिङ सकिएको छ । यो फिल्म ईदमा रिलिज हुने सम्भावना बढेर गएको छ ।