काठमाडौँ– नेपालले आइसीसी विश्वकप लिग–२ अन्तर्गत दोस्रो त्रिकोणात्मक सिरिजको खेल तालिका सार्वजनिक भएको छ । आईसीसीले बुधबार कोरोना भाइरसका कारण स्थगित लिग–२ को खेल तालिका पुनः सार्वजनिक गरेको हो ।

ओमानमा नेपालले मार्च १९देखि २८ २०२१ सम्म खेल्नेछ । नेपालले ओमान र अमेरिकासँग खेल्दै आफ्नो यात्रा निरन्तर गर्नेछ ।

कोरोना भाइरसका कारण पटक–पटक सर्दै आएको लिग २ को तालिका अब आईसीसीले २०२३ सम्मका सबै खेलको मिति सार्वजनिक गरेको हो ।

यस्तो, तेस्रो सिरिज जुन महिनामा नेपालले स्कटल्यान्डसँग उसैको घरेलु मैदानमा पपुवा न्युगिनीसँग खेल्नेछ ।

यस्तै, नेपालले चौथो सिरिज घरेलु मैदानमा २०२२ को फेब्रुअरी महिनामा युइए र पीएनजीसँग खेल्नेछ ।

आफ्नो पाँचौ सिरिज नेपालले मार्चमा नामिबियाको मैदानमा नामिबिया र स्कटल्यान्डसँग खेल्नेछ ।

जुलाईमा नेपालले अमेरिकामा ओमान र अमेरिकासँग खेल्नेछ । यस्तै, नेपालले सेप्टेम्बर अन्तिममा पीएनजी, र युएईसँग खेल्नेछ ।

२०२३ फ्रेब्रुअरीमा काठमाडौँमा नामिबिया र स्कटल्यान्डसँग खेल्नेछ भने युएईमा नेपाल र पीएनजीसँग खेल्नेछ ।

पहिलो सिरिज नेपालले गएको माघमा काठमाडौंमा अमेरिका र ओमानसँग खेलेको थियो । जसमा नेपालले अमेरिकासँगका दुवै खेलमा जित हात पारेको थियो भने ओमानसँगका दुवै खेलमा हार व्येहोरेको थियो ।

नेपाली क्रिकेट टीम मंसिर दोस्रो सातादेखि बन्द प्रशिक्षणमा थियो । तर, मंगलबार सम्पन्न गौतम बु्द्द्ध कपका कारण खेलाडी रिलिज गरेको छ ।