काठमाडौँ– नेपाली कांग्रेसका नेता डा. शेखर कोइरालाले हुम्लास्थित नेपाल- चीन सीमामा विज्ञ टोली खटाएर अध्ययन गर्न माग गरेका छन् ।

हुम्लामा नेपाली भूमि मिचिएको जानकारी स्थलगत अनुगमनमा गएको टोलीबाट पाएको भन्दै कोइरालाले तुरुन्त विज्ञ टोली खटाई सत्यतथ्य सार्वजनिक गर्न माग गरेका हुन् ।

उनले सामाजिक सञ्जालमा आफ्नो धारणा राख्दै तत्काल सत्यतथ्य सार्वजिनक गर्न माग गरेका हुन् । उनले लेखेका छन्, ‘हालै कर्णाली प्रदेशको हुम्ला जिल्लाको चीनसँगको सीमाको स्थलगत अध्ययन गरी फर्किएका पार्टीका साथीहरूबाट नेपालको सीमा अतिक्रमण गरेको जानकारी पाएँ । यो गम्भीर विषय हो । यस सम्बन्धमा तुरुन्त विज्ञहरूको टोली खटाई सत्यतथ्य सार्वजनिक गर्न सरकारसँग जोडदार माग गर्दछु।’