एजेन्सी- साविकको विजेता पेरिस सेन्ट जर्मेन (पीएसजी) फ्रेन्च लिग वान फुटबलमा पहिलो जीतको खोजिमा आज (बुधबार) मेट्जसँग प्रतिस्पर्धा गर्दैछ ।

नयाँ सिजन सुरूवाती दुई खेल हारिसकेको पीएसजी तेस्रो खेलमा मेट्जलाई पराजित गर्दै सुखद् नतिजा निकाल्न चाहन्छ ।

पीएसजी र मेट्जबीचको खेल नेपाली समय अनुसार राति १२:४५ बजे सुरु हुनेछ ।

घरेलु मैदानमा मेट्जविरुद्ध मैदान उत्रदा पीएसजीका स्टार फरवार्ड नेयमार खेल्न पाउने छैनन् भने एम्पाप्पे कोरोना संक्रमणका कारण टिम बाहिर छन् ।

पीएसजीविरुद्ध मैदान उत्रदा मेट्ज पनि पहिलो जितको खोजीमा हुनेछ । मेट्जले पनि अघिल्लो दुई खेल गुमाएको थियो ।

यस सिजन पीएसजी १८औं स्थानमा रहेको छ भने मेट्ज १७औं स्थानमा रहेको छ । पीएसजी सिजनको पहिलो खेलमा लेन्स र दोस्रो खेलमा मार्सेलीसँग पराजित भएको थियो ।