६५ हजार घुससहित लेखा अधिकृत पोखरेल पक्राउ

१ श्रावण २०७७, बिहिबार

पढ्न लाग्ने समय : < 1 मिनेट

काठमाडौं- सुनसरीको इटहरी उपमहानगरपालिकाका लेखा अधिकृत विकास पोखरेल घुस रकमसहित पक्राउ परेका छन् ।

अख्तियार दुरुपयोग अनुसन्धान आयोग क्षेत्रीय कार्यालय इटहरीबाट खटिएको टोलीले ६५ हजार घुससहित लेखाअधिकृत पोखरेललाई पक्राउ गरेको हो ।

इटहरी –६ घर भएका लेखा अधिकृत पोखरेलले लामो समयदेखि सेवाग्राहीसँग कमिसन लिने गरेको सूचनाका आधारमा आयोगले पोखरेलमाथि निगरानी गर्दै आएको थियो ।

उनलाई इटहरी –६ बीपी चोकस्थित समिप होटलमा सेवाग्राहीसँग रकम लिँदै गरेको अवस्थामा पक्राउ गरिएको आयोगले जनाएको छ ।

प्रकाशित मिति : १ श्रावण २०७७, बिहिबार ९ : ४४ बजे

प्रतिक्रिया