इटली– इटलियन फुटबल फेडेरेशनले युरोपक पछि सार्न आग्रह गरेको छ । उसले सिरि ए फुटबलको सिजन पूरा गर्न युरो २०२० पर सार्न आग्रह गरेको हो ।

फेडेरेशनले कोरोना भाइरसको संक्रमणका कारण रोकिएका सिरी ए फुटबलका खेलहरु सकिन समय प्रदान गर्न युईएफएसँग आग्रह गरेको हो ।

इटालियन एफएका अध्यक्ष गाब्रिएल ग्राभिनाले युईएफएको मंगलबार बस्ने आकस्मिक बैठकमा आफुले सो प्रस्ताव लैजाने बताएका छन् ।

सिरि ए फुटबल गत मंगलबारबाट स्थगित छ । ‘हामीले युरो च्याम्पियनसिप स्थगित गर्ने प्रस्ताव लैजादै छौ ।’ ग्रेविनाले भनेका छन् ।

‘हामी सिरि एको अन्तिमसम्म पुग्न कोशिश गर्नेछौ ।’ उनले थपेका छन् ।

युईएफले मंगलबार ५५ सदस्य राष्ट्रका प्रतिनिधिसंग छलफल गर्दैछ । युरो २०२० जुन १२ देखि जुलाई १२ सम्म सञ्चालन गर्ने तयारी छ ।

इटालीको फुटबल महासंघले यसअघि सिरि एको सिजन पुरा हुन नसक्ने बताएको थियो । तर ग्रेविनाले पछिल्लो समय जुन ३० सम्म लिग सक्ने आश व्यक्त गर्न थालेका छन् ।

पूर्व तालिका भन्दा एक महिना ढिलो गरि लिग सक्ने महासंघको विश्वास छ । ईटालीले तत्काल खेलाडीलाई कुनै प्रकारको ट्रेनिङमा सहभागी हुन सुझाव दिएको छ ।

इटालीमा कोरोना भाइरसका कारण आइतबारसम्म ३ सय ६८ जनाको मृत्यु भइसकेको छ ।