एलबी मगर

रोल्पा – रोल्पामा १६ जनामा गरिएको कोरोना भाइरसको परीक्षण नतिजा नेगेटिभ पाइएको छ । रोल्पाको रुन्टिगढी गाउँपालिकाको होलेरी र मसिना स्थित क्वारेन्टाइनमा रहेका १६ जनाको र्यापिड टेष्ट गरिएको थियो ।

टेस्ट गरिएका सबैको रिपोर्ट नेगेटिभ आएको गाउँपालिकाका स्वास्थ संयोजक गणेश बुढाले बताए ।

जिल्लास्थित चिकित्सकहरुको टिमले क्वारेन्टाइनमा पुगेर भारत र तेस्रो मुलुक बाट आएका र क्वारेन्टाइनमा १४ दिन समय पुरा गरेका विभिन्न ब्यक्तिहरुको आरडीटी टेष्ट गरिएको थियो ।

हाल होलेरीस्थित प्राथमिक स्वास्थकेन्द्रको निर्माणाधीन भवनमा ५ जना , मसिनास्थित स्वास्थ चौकीको भवनमा २ जना र चिन्ने खर्क सामुदायिक बनको भवनमा २७ जना ब्यक्ति क्वारेन्टाइनमा रहेका छन् ।