काठमाडौं – पेप्सिकोलास्थित सनसिटी अपार्टमेन्टमा बस्ने एक परिवारका २ जनामा कोरोना संक्रमणको पुष्टि भएपछि त्यहाँ बस्ने अन्यमा पनि कोरोना सर्न सकेको सक्ने भन्दै उच्च सतर्कता अपनाइएको छ ।

उक्त अपार्टमेन्टमा नायिका वेनिषा हमाल पनि बस्ने गर्छिन् । परिवारसँग अपार्टमेन्टमा बस्दै आएकी वेनिषाले त्यहाँ आफू सुरक्षित रहेको बताएकी छिन् । उनले वेनिषाले बेलायतबाट आएका २ जनामा कोरोना देखिएपछि केही मानसिक तनाव भने परेको बताएकी छिन् ।

अपार्टमेन्टको बल्क नम्बर जे मा बस्दै आएकी वेनिषाले भनिन् – ‘म र मेरो परिवार सुरक्षित छौं, हजुरहरुले देखाउनुभएको माया, सद्भाव र चिन्ताका लागि आभार प्रकट गर्न चाहन्छु ।’

वेनिषाले सबैलाई घरमै बसी लकडाउनका पूर्ण पालना गर्न पनि अनुरोध गरेकी छिन् ।