काठमाडौं– काठमाडौं महानगरपालिकाले सुशासन पत्रकारिता पुरस्कारबाट खबरहबकर्मी सविना कार्कीलाई सम्मान गरेको छ ।

महानगरपालिकाले २६ औं महानगर दिवसको अवसरमा सोमबार कार्कीलाई नगद र प्रमाणपत्रसहित पुरस्कृत गरेको हो।

सामाजिक क्षेत्रका विविध विषयमा कलम चलाउँदै आएकी कार्कीलाई  महानगरले नगद राशि ५० हजारसहित सम्मान गरेको हो ।

उनीसँगै महानगरले सुशासन पत्रकारिता पुरस्कारबाट १० जनालाई सम्मान गरेको छ ।

सो सम्मानबाट सम्मानित हुनेहरुमा न्युज एजेन्सी नेपालबाट कृष्णा पौडेल, नयाँ पत्रिका दैनिक बाट प्रकाश धौलाकोटी, बिजमाण्डु डटकमबाट दिनेश खड्का, थाहाखवरबाट अतिन आचार्य, कान्तिपुर टिभीबाट सिर्जना बास्तोला, नामी साप्ताहिकबाट श्याम स्मृत, नेवाः युट्युब् बिजयरत्न तुलाधर असंबरे, लहनान्युज डटकमबाट सुरेन्द्रभक्त श्रेष्ठ र नेपाल भाषा टाइम्स रहेका छन् ।