काठमाडाैं – काठमाडाैंमा नेपाली कांग्रेसकाे सरकारविरोधी प्रदर्शन शुरू भएकाे छ । काठमाडौंंमा हुने प्रदर्शनमा कांग्रेसका वरिष्ठ नेता रामचन्द्र पौडेलले सम्बोधन गर्ने तयारी छ ।

आज कांग्रेसले आज देशका ७७ वटै जिल्लामा प्रदर्शन गर्दैछ । सभापति शेरबहादुर देउवाले हेटौंडा, महामन्त्री शशांक कोइरालाले विराटनगर, पूर्वमहामन्त्री प्रकाशमान सिंह धनुषा, सहमहामन्त्री प्रकाशशरण महत झापा, उपसभापति विमलेन्द्र निधिले भक्तपुरकाे प्रदर्शनलाई सम्बोधन गर्नेछन् ।

सरकारविरोधी प्रदर्शनमा नेता/कार्यकर्ताकाे उत्साहजनक सहभागिता देखिएकाे छ ।

पूर्वनिर्धारित कार्यक्रम अनुसार पूर्वमहामन्त्री कृष्णप्रसाद सिटौला महोत्तरी, सहमहामन्त्री प्रकाशशरण महत झापा, युवा नेता गगन थापा कैलालीकाे प्रदर्शनमा सहभागी हुने कार्यक्रम तय भएको छ ।

आन्दोलनलाई सफल बनाउन शीर्ष नेताहरू आ–आफ्नो तोकिएको जिल्लामा पुगिसकेका छन् ।

कांग्रेसले कोभिड–१९ को नियन्त्रण तथा उपचारमा देखाएको उदासिनता, स्वास्थ्य सामग्री खरिदमा भएको भ्रष्टाचार, कूशासन, भ्रष्टाचार औषधि अभाव, महिला हिंसा तथा बलात्कार, र अधिनायकवादका विराेधमा सडकमा प्रदर्शन गर्न लागेको हो ।