हरेक ब्यक्तिको चाहाना हुन्छ, उसको कार्यालय राम्ररी चलोस् । कार्यालयमा सहज र सुमधुर वातावरण होस् र काम तिव्र गतिमा होस् ।

सबैले चाहान्छन् बिना रुकावट र समस्याविहिन कार्यालय सञ्चालन होस् । तर कतिपय अवस्थामा सम्पुर्ण सामाग्री, मेहनतका बावजुद पनि कार्यालयमा राम्ररी सञ्चालन हुन पाउदैन । साथै क्षती समेत हुनसक्छ । यदि यस्तो समस्या भोगिरहनु भएको छ भने आज हामी वास्तुका उपायले कार्यालय राम्ररी सञ्चालन गर्ने उपायबारे जानकारी दिदैछौँ ।

१.प्रवेशद्वार

कार्यालयको मुख्य प्रवेशद्वारमा रातो, सिम्रिक, पहेलो, गुलाबी वा सेतो रंग लगाउनु पर्दछ । तर भुलेर पनि कार्यालयको मुख्यद्वारको रंग कालो वा निलो हुनु हुदैन ।

२. दराज
वास्तुशास्त्र अनुसार कार्यालयको मुख्य फाइल तथा सामाग्री राख्ने दराज दक्षिण वा पश्चिम दिशामा हुनु पर्दछ । फाइल राख्ने दराज राम्ररी अडिएको र सफा स्थानमा हुनुपर्दछ ।

३. कम्प्यूटर
वास्तुशास्त्र अनुसार कार्यालयमा राखिने कम्प्यूटर दक्षिण पूर्व दिशामा हुनु पर्दछ । यसो गरे धन लाभ हुनेछ । साथै कार्यालयको वातावरण सौहाद्र रहने छ ।

४. भान्सा वा क्यान्टिन
वास्तुशास्त्र अनुसार कार्यालयमा भान्सा वा क्यान्टिन दक्षिण पूर्व दिशामा हुनु पर्दछ । यस दिशामा खानपानको सामाग्री रहे अत्यधिक लाभ हुनेछ ।

५. ट्वाइलेट
वास्तुशास्त्र अनुसार कार्यालयको ट्वाइलेट पूर्व, उत्तर दिशामा हुनु हुदैन । यसले हानी पूर्याउँछ ।