मुम्बई – भारतीय कलाकार सोनु सूद पछिल्लो समय चर्चामा छन् । उनी चर्चामा रहनुको कारण फिल्मको अभिनय नभएर वास्तविक जीवनमा उनले गरेको सहयोग हो ।
लकडाउनका कारण समस्यामा परेका कैयन् परिवारलाई सोनुले सहयोग गरेका छन् । उनले गरेको सहयोगले सोनुको तारिफ भइरहेको छ ।
यसैबीच एक विद्यार्थीले सोनुलाई ट्वीट गर्दै किताब किन्न सहयोग गर्न अनुरोध गरेका छन् । उक्त ट्वीटमा प्रतिक्रिया दिँदै सोनुले ठेगाना पठाउन भनेका छन् ।
विद्यार्थीले ट्वीटमा भने – सर, कृपया मलाई यूपीएससीको किताब खरिद गर्न सहयोग गर्नुस्, म किताबविना तयारी गर्न सक्दिनँ, किताब दिलाउनमा मलाई मद्दत गर्नुस् ।
Send me the address.. books will reach your doorstep. 📚 https://t.co/iX1uMzKs8h
— sonu sood (@SonuSood) August 13, 2020
यसको जवाफमा सोनुले भने – ठेगाना पठाउनुहोस् । किताबहरु तपाईंको घरसम्म आउनेछन् ।
यो ट्वीटले सोनुको थप तारिफ गरिएको छ । उनलाई फ्यानले ‘रियल हिरो’ भनेका छन् । यसअघि पनि सोनुले समस्यामा परेका परिवारलाई सहयोग गर्दै आएका छन् ।
पछिल्लो समय दक्षिण भारतको एक परिवारकी बालिकाले खेत जोत्दै गरेको भिडियो सार्वजनिक भएको थियो । उक्त भिडियोपछि सोनुले उक्त परिवारलाई ट्याक्टर पठाएका थिए ।
सोनुले लकडाउनका बेला कैयन् प्रवासीलाई पनि घर जानमा सहयोग गरेका छन् ।
प्रतिक्रिया