काठमाडौं – गण्डकी प्रदेशमा कोरोना संक्रमितको संख्या १९९ पुगेको छ ।
गण्डकी प्रदेश स्वास्थ्य निर्देशनालयले आइतबार जारी गरेको बिज्ञप्ति अनुसार नवलपरासी जिल्ला (बर्दघाट सुस्ता पूर्व) का दुई जना पुरूषमा संक्रमण पुष्टि भएको छ ।
जिल्लाको देबचुली नगरपालिका स्थायी ठेगाना भई सोही नगरपालिकाको क्वारेन्टाइनमा बसेका वर्ष २३ र ३२ का दुई पुरूषमा संक्रमण पुष्टि भएको निर्देशनालयका निर्देशक डा.विनोद विन्दु शर्माले जानकारी दिए ।
उनीहरूलाई रजहरस्थित सामुदायिक प्राकृतिक चिकित्सालयको आइसोलेसनमा लैजाने तयारी भएको शर्माले बताएका छन् ।
प्रतिक्रिया