लमजुङ- सुन्दरबजार नगरपालिका ११ तुर्लुङकोटमा चट्याङपछि आगलागी भएको छ । चट्याङले लागेर स्थानीय कूलप्रसाद पाण्डेको घरमा बिजुलीको मिटर बक्स पड्किएपछि आगलागी भएको हो ।

चट्याङले घरगोठ, नगद तथा पशुचौपायामा क्षति पुर्‍याएको छ । चट्याङले घर, नगद र गोठसहित पशुचौपाया जलेका छन् ।

सुन्दरबजार नगरपालिका ११ तुर्लुङकोटमा कूलप्रसाद पाण्डेको घरमा चट्याङ लागेर बिजुलीको मिटर बक्स पड्किएर आगलागी हुँदा घर जलेको लमजुङका डिएसपी रबिन्द्रमान गुरुङले बताए ।

उनका अनुसार राति साढे ११ बजेतिर चट्याङ पर्दा घरमा रहेको ७५ हजार नगद समेत जलेको छ । साँढे ४ लाख रुपैयाँ बराबरको क्षति पुगेको डीएसपी गुरुङले बताए।

सुन्दरबजार नगरपालिका ४ अर्चल्यानीमा रामजी सार्कीको गोठमा चट्याङका कारण आगलागी हुँदा एउटा भैंसी र एउटा गाई मरेको स्थानीय समुद्र पौडेलले बताए ।

यस्तै दूधपोखरी गाउँपालिका २ विचौरको डुङडाँडामा चट्याङका कारण कृष्णप्रसाद अर्यालको खोरमा रहेको ४ वटा बाख्रा जलेर मरेको छ । चट्याङले गोठ सबै जलेको छ ।

घरभन्दा करिब १ किलोमिटर टाढा राखिएको काठको गोठमा ५ वटा माउबाख्रा थियो । चट्याङका कारण २ घरमा रहेको मिटर बक्स जलेको छ ।