डोल्पा– डोल्पामा घर भत्कदाँ एकै परिवारका दुई बालिकाको मृत्यु भएको छ ।

डोल्पाको त्रिपुरासुन्दरी नगरपालिका-४ मा पर्ने रङ्ग गाउँमा भरखर बनाएको घर भत्कदाँ दुई बालिकाको मृत्यु भएको हो भने एक जना गम्भीर घाइते भएका छन् ।

मृत्यु हुनेमा १२ वर्षीया मञ्जु बुढा र २ वर्षीया लक्ष्मी बुढा रहेको तथा आमा रणमती बुढा गम्भीर घाइते भएकी त्रिपुराकोट प्रहरीले जनाएको छ । घाइते बुढालाई उपचारका लागि स्थानीय मेडिकलमा लगिएको छ ।

घर भत्कदाँ उनको घुडाभन्दा मूनि च्यापिएको र बेहोस अवस्थामा फेला परेकी थिइन् ।

शुक्रबार बिहानदेखि निरन्तर परिरहेको वर्षासँगैको हिमपातका कारण घरको माथिल्लो तलाको गाह्रोमा पानी पसेर बन्दै गरेको दुईतले नयाँ घर भत्किएको प्रारम्भिक अनुसन्धानमा देखिएको प्रहरीले जनाएको छ ।