काठमाडौं– पूर्वप्रधानमन्त्री एवं समाजवादी पार्टी नेपालका अध्यक्ष डा बाबुराम भट्टराईले कोरोना भाइरसको संक्रमण विश्वभर फैलिरहेको भन्दै पूर्व सावधानी अपनाउनु पर्ने जनाएका छन् ।

उनले खुला सीमा भएको भारतमा पनि कोरोना संक्रमण तीव्र गतिमा फैलिरहेको भन्दै स्कूल बन्द गर्नुपर्ने उल्लेख गरेका छन् ।

सामाजिक सञ्जाल ट्वीटर मार्फत डा भट्टराईले स्कूल भन्दा छोराछोरीको जीवन प्रमुख भएको बताएका छन् ।

ट्वीटरमा उनले लेखेका छन्,‘कोरोनाभइरसको प्रकोप विश्वभरि फैलिरहेको र खुला सीमाना भएको भारतमा झन् तीब्र रूपमा फैलिरहेको स्थितिमा हामीले चाहिं स्कूल केही दिनरहप्ता बन्द गर्न किन हेलचक्र्याइँ गरेको हो ? छोराछोरीको जीवन प्रमुख कि परीक्षा ? परीक्षा केही हप्ता पर सार्दा कुन आकाश खस्छ ?सत्ताधारी कमरेडहरूको ध्यान जाला ?’