काठमाडौं– इंग्लिस प्रिमियर लिगमा लेष्टर सिटीले विजयी सुरुवात गरेको छ । नयाँ सिजनको पहिलो खेलामा वेष्ट ब्रमविचलाई उसैको घरेलु मैदानमा २–० गोल अन्तरले हराउँदै लेष्टरले विजयी सुरुवात गरेको हो ।

पहिलो हाफसम्म खेल गोलरहित बराबरी रहेको थियो । तर, दोस्रो हाफको ११ औं मिनेट अर्थात् खेलको ५६ औं मिनेटमा लेष्टरका लागि टिमओथि कास्टाग्नेले गोल गर्दै अग्रता दिलाए ।

बेल्जियमका डिफेन्डर कास्टाग्ने यही सिजनमा लेष्टरमा आवद्ध भएका हुन् । सिजनको पहिलो खेलमै उनले लेष्टरका लागि डेब्यु गोल गर्न सफल भए ।

यस्तै, लेष्टरका लागि दोस्रो र तेस्रो गोल भने जेमी भार्डीले पेनाल्टी सुटआउट मार्फत् गरेका हुन् ।

उनले खेलको ७४ औं र ८४ औं मिनेटमा पेनाल्टी सुटआउटमा गोल गरेका हुन् । ब्रमविचका खेलाडीले पेनाल्टी क्षेत्रमा  फाउल गर्दा लेष्टरले दुई पेनाल्टी अवसर पाएका थियो ।

यस्तै, पहिलो खेलमा जित हात पारेको लेष्टरले ३ अंक जोडेको छ भने ब्रमविच घरेलु मैदानमा अंकविहीन भएको छ ।