नवलपुर । विश्वब्यापी महामारीको रुपमा फैलिएको कोरोना भाइरस (कोभिड १९) संक्रमणको जोखिम झनै बढेको भन्दै पूर्वी नवलपरासी जिल्लामा पुनः लकडाउन गरिएको छ ।

जिल्ला प्रशासन कार्यालयमा बसेको बैठकले बिहीबार साउन २९ गतेदेखि भदौ ६ गतेसम्म जिल्लामा पूर्ण रुपमा लकडाउन गर्ने निर्णय गरेको हो ।

यसअघि जिल्लाभित्र ट्राभल हिस्ट्री भएकालाई मात्रै संक्रमण देखिएकोमा बुधबार ट्राभलहिस्ट्री नभएका सञ्चारकर्मी र बैंकका कर्मचारीलाई कोरोना परीक्षण रिपोर्टमा कोरोना संक्रमण देखिएकाले जिल्लामा लकडाउन गर्नुपरेको जिल्ला प्रशासन कार्यालय नवलपरासी (बर्दघाट सुस्तापूर्व)ले जनाएको छ ।

यस्तै, बेलुका ९ बजेदेखि बिहान ५ बजेसम्म हिडडुल, आवतजावतमा पनि रोक लगाइएको छ ।

जिल्लाभित्र सञ्चालित बैंक, बित्तीय संस्था एवम् सहकारीहरुले अधिकतम रुपमा विद्युतीय माध्यामबाट सेवा दिन जोड दिने तथा मानिसको भौतिक उपस्थितिमा दिइने सेवाहरु भदौ ६ गतेसम्म स्थगन गर्ने ब्यवस्था सम्बन्धित संस्थाको प्रमुखले मिलाउने जिल्ला प्रशासन कार्यालयद्वारा बिहीबार जारी गरिएको सूचनामा उल्लेख छ ।

बुधबार कावासोतीमा रहेको रेडियो सामथ्र्यका सञ्चालक सागर पोखरेल र प्रभु बैंकका एक कर्मचारीमा संक्रमण पुष्टी भएको थियो ।