काठमाडौं- पूर्वगृहमन्त्री तथा नेपाल कम्युनिस्ट पार्टी नेकपा स्थायी समिति सदस्य भीम रावलको सुरक्षामा खटिएका सशस्त्र प्रहरीका एक जवानलाई कोरोना संक्रमणको पुष्टि भएको छ ।
रामेछाप घर भएका २७ वर्षीय ती जवानलाई कोरोना पुष्टि भएको सशस्त्र प्रहरी स्रोतले जनाएको छ ।
ती जवान एक महिनादेखि बिदामा थिए । बिदामा रहेका उनलाई कोरोना परीक्षणपछि मात्र ड्युटीमा आउन भनेको र कोरोनाको रिपोर्ट पोजेटिभ आएको सशस्त्र प्रहरीले जनाएको छ ।
संक्रमित सशस्त्र प्रहरी बल नीलबाराही गणमा दरवन्दी रहेको र उनको अहिले टेकु अस्पतालमा उपचार भइरहेको छ ।
प्रतिक्रिया