काठमाडौं– नेपाली कांग्रेसका सहमहामन्त्री एवम् पुर्व मन्त्री डा. प्रकाशशरण महतले जनताका अधिकारको रक्षाका लागि आफूहरु सधै लड्न तयार रहेको बताएका छन।

बीपी  कोइराला स्कुल अफ पब्लिक पोलिसीले आयोजना गरेको प्रस्तावित सूचना प्रविधि र विशेष सेवा संगठन विधेयकः नागरिक अधिकार सम्बन्धी अन्तरक्रियामा उनले सरकारले यही स्वरुपमा सूचना प्रविधि विधेक पास गर्न खोजे कांग्रेसले सदन र सडकबाटै आन्दोलन चर्काउने चेतावनी दिएका हुन् ।

उनले सूचना प्रविधि विधेकले मानव अधिकारलाई कुन्ठित गर्ने तथा संविधानले दिएको अभिव्यक्ति स्वतन्त्रताको हक छिन्ने हुँदा सवै तह र तप्काबाट यसको विरोध जनाउनुपर्ने बताए ।

नागरिकको फोन ट्यापिङ गरेर दुख दिने मनसायले विधेकहरु आएको र ती विधेकलाई अहिले पास हुन दिए देशमा अधिनायकवाद स्थापित हुने सहमहामन्त्री महतले बताए ।

नागरिकलाई दुःख दिन तथा सामाजिक संजालकर्तालाई जरिवाना र जेल सजाय गराउनका लािग जनताले नेकपालाई मत नदिएको तर्क गरे ।  उनले सरकार चरम भ्रष्टाचारमा डुबेको आरोप समेत लगाएका थिए ।