काठमाडौं– पाकिस्तानको लाहोरस्थित उच्च अदालतले पूर्व राष्ट्रपति परवेज मुसरैफका लागि तोकिएको मृत्युदण्डको सजाय रद्द गरेको छ ।

विशेष अदालतले देशद्रोहको अपराधमा मृत्युदण्डको फैसला गरेको लाहोर उच्च अदालतले ‘असंवैधानिक’ रहेको भन्दै मृत्युदण्डको सजाय रद्द गरेको हो ।

दुबईमा रहेको मुसर्रफको मृत्युदण्डको फैसलालाई यसअघि उनले आफू विरुद्ध बदला लिन खोजको आरोप लगाएका थिए ।

यस्तै, पाकिस्तानी सेनाले पनि उनीमाथि तोकिएको मृत्युदण्डको सजायप्रति असन्तुष्टि जनाएको थियो ।

गत १७ डिसेम्बरमा विशेष अदालतले मुसर्रफलाई देशद्रोहको मुद्दामा दोषी ठहर गर्दै पाकिस्तानको संविधानको धारा ६ बमोजिम मृत्युदण्डको फैसला सुनाएको थियो ।

सरकारका तर्फबाट वकिल इस्तियाक ए खानले मुसर्रफमाथि अब कुनै सजाय नरहेको बताएका छन् ।

‘आरोप लगाइएको, विशेष अदालत गठन गरिएको, वादी समूहको छनोट र निर्णय सबै गैरकानुनी छ,’ खानले भने,‘मुसर्रफ अब स्वतन्त्र व्यक्ति हुन्। अब उनीमाथि कुनै सजाय छैन ।’