काठमाडौं- कोरोना संक्रमणका कारण ज्यान गुमाएका धादिङका ३२ वर्षका एक पुरुषको नेपाली सेनाको टोलीले उच्च सम्मानका साथ बुधबार शव व्यवस्थापन गरेको छ ।

मंगलबार काठमाडौंको ह्याम्स अस्पतालमा निधन भएका उनको नेपाली सेनाको तालिम प्राप्त टोलीले विषेश सावधानी अपनाउँदै पशुपतिको विद्युतीय शव दाह गृहमा शव व्यवस्थापन गरेको हो ।

कोभिड–१९ को शव व्यवस्थापनको निर्देशिकाअनुसार नेपाली सेनाले शवको व्यवस्थापन गर्ने गरेको छ ।

शव व्यवस्थापनमा नेपाली सेनाका चार जना खटिएका थिए । उनीहरुले शवलाई विद्युतीय शव दाह गृहमा जलाउनुपूर्व शवलाई स्यालुट गरेर उच्चसम्मान दिए । त्यसपछि शवलाई उचालेर विद्युतीय शवदाह गृहभित्र पुर्‍याइयो र शव व्यवस्थापन गरिएको थियो ।

शव व्यवस्थापनका केही तस्वीर-