जुम्ला- जुम्लाका चारवटा स्थानीय तहका १४ दिनको अवधि पूरा गरेरसँगै क्वारेन्टाइन खाली भएका छन् ।

कोभिड–१९ को सङ्क्रमण रोकथाम गर्ने उद्देश्यका साथ यहाँको सिञ्जा गाउँपालिका, कनकानुन्दरी, पातारासी र चन्दननाथ नगरपालिकाले सञ्चालन गरेका क्वारेन्टाइन खाली भएका छन् । प्रवेश निषेध गराएको स्थानीय तहमा नयाँ मानिस नथपिएको र बसेका व्यक्तिको अवधि पूरा भएपछि क्वारेन्टाइन खाली भएका हुन् ।

कोभिड–१९ को सङ्क्रमण पैmलिन नदिन सिञ्जा गाउँपालिका–१ देखि ६ स्थित सिञ्जा बहुमुखी क्याम्पसमा रहेको ५३ श्ययाको १८ जना व्यक्तिको क्वारेन्टाइन १४ दिनको अवधि पूरा गरेसँगै क्वारेन्टाइन खाली भएको गाउँपालिकाले आवश्यक औषधि र खाद्यान्न बंैकसमेत सञ्चालन गर्न लागिपरेका अध्यक्ष देवलसिंह रावलले बताए ।

कनकासुन्दरी गाउँपालिकामा २० क्वारेन्टाइनमा बसेकाको १४ दिन अवधि पूरा गरेसँगै क्वारेन्टाइन खाली भएको प्रमुख प्रशासकीय अधिकृत विपेन्द्र अधिकारीले बताए ।

क्वारेन्टाइनमा बसेका व्यक्तिलाई गाउँपालिकाले खाना, बस्न र औषधि उपचारमा सहयोग गरेको अधिकारीले बताए । पातारासी गाउँपालिकाले वडा नं ४ सञ्चालन गरेको क्वारेन्टाइनमा नौजनाको अवधि पूरा भएसँगै क्वारेन्टाइन खाली भएको प्रमुख प्रशासकीय अधिकृत टेकबहादुर बुढ्थापाले बताए ।

अन्य गाउँबाट प्रवेश गर्ने व्यक्तिबाट कोरोना भाइरस पैmलिने खतराको दृष्टिगत गर्दै चैत महिनाको २६ गतेदेखि गाउँपालिका प्रवेशमा निषेध गरिएको गाउँपालिकाका अध्यक्ष लछिमान बोहोराले जानकारी दिए।

पालिका प्रवेश गर्ने मुख्य नाकामा सुरक्षाकर्मीसहित सहायता कक्ष ‘हेल्थ डेस्क’ स्थापना भई कोरोनाविरुद्ध जनचेतना फैलाउन उपाध्यक्षको नेतृत्वमा टोलटोलमा जनचेतना जोगाउन कार्य थालिएको अध्यक्ष बोहोराले बताए ।

चन्दननाथ नगरपालिकाले ३० श्ययाको क्वारेन्टाइनमा एनजना १४ दिनको अवधि पूरा गरी घर फर्किसकेकाले क्वारेन्टाइन खाली भएको र होम क्वारेन्टाइनमा बसेको स्वास्थ्य शाखाप्रमुख क्षेत्रबहादुर महतले बताए ।

मुलुकभरि लकडाउनका कारण भारत र अन्य मुलुकबाट आउने क्रम रोकिएसँगै यहाँका तिला गाउँपालिका, तातोपानी गाउँपालिका, गुठिचौर गाउँपालिका र हिमा गाउँपालिकामा स्थापना गरी सञ्चालनमा आएका क्वारेन्टाइन बिस्तारै खाली हुँदै गएको गाउँपालिका अध्यक्षहरु बताउँछन् ।