काठमाडौं- कोरोनाभाइरसबाट संक्रमित बेलायती प्रधानमन्त्री बोरिस जोनसन निको भएर अस्पतालबाट डिस्चार्ज भएका छन् ।

कोरोना भाइरसको सङ्क्रमण देखिएको १० दिनपछि अस्पताल भर्ना भएका उनीलाई आईसीयूमा राखेर उपचार गरिएको थियो ।

“कोरोनाभाइरसको सङ्क्रमण देखिएको १० दिन बितिसक्दा पनि प्रधानमन्त्रीलाई लक्षणहरू निरन्तर उस्तै देखिए पछि उनलाई अस्पताल भर्ना गरिएको थियो ।

हाल उनको अवस्था सामान्य रहेको जनाइएको छ । कोरोनाको सफल उपचार पछि उनी अस्पतालबाट डिस्चार्ज भएका हुन् ।

कोरोना संक्रमणविरुद्धको लडाइँ जितेर उनी निवास फर्किए पनि चिकित्सकले तत्काल काममा नफर्क सुझाव दिएकाले बीबीसीले जनाएको छ।

प्रधानमन्त्री कार्यालयकी प्रवक्ताका अनुसार प्रधानमन्त्रीले राष्ट्रिय स्वास्थ्य सेवा एनएचएसका सबै कर्मचारीहरूलाई उनीहरूको कडा परिश्रमका लागि धन्यवाद दिएका छन् र सर्वसाधारणलाई घरभित्रै सुरक्षित बस्न सरकारले दिएको सुझाव मान्न पनि भनेका छन्।

कोरोना भाइरसको संक्रमण बढेर आइसियुमै भर्ना भएपछि बेलायती प्रधानमन्त्रीको स्वास्थ्यलाई लिएर विश्वभर चासाे र चिन्ता भएको थियो ।

कोरोनाको संक्रमणको नजिता त्यति सुखद नआइरहेको बेला घरमा आइसोलेसनमा बसेका जोन्सन एकाएक आइसीयुमा पुग्नु सुखद संकेत पनि थिएन।

अस्पताल र उनको कार्यालयले जोनसन उनको स्वास्थ्य सम्बन्धी अपडेट दिइरहेको थियो ।

शनिबार उनको स्वास्थ्यमा सुधार आएको सूचना आयो। त्यसपछि उनलाई आईसीयू बाहिर सारिएको थियो । तीन दिनको आइसीयू बसाई पछि उनी आइतबार अस्पतालबाट डिस्चार्ज भएका हुन् ।