कैलाली- धनगढीका एक युवालाई कोरोना भाइरसकाे आशंकामा सेती प्रादेशिक अस्पताल भर्ना गरिएको छ ।
हालै चीनबाट नेपाल फर्किएका उनीलाई ज्वरो आउने तथा घाटी दुख्ने समस्या देखिएपछि कोरोना भाइरसको आशंकामा अस्पताल भर्ना गरिएको हो ।
बुधबार अस्पताल भर्ना भएका उनको छुट्टै कक्षमा चेक जाँच शुरु भएको सेती प्रादेशिक अस्पतालका इमरजेन्सी विभाग प्रमुख डाक्टर जगदीश प्रसाद जोशीले बताए ।
कोरोना भाइसरको सङ्क्रमण भएको आशंकामा उनको नमुना संकलन गरी राष्ट्रिय जनस्वास्थ्य प्रयोगशाला काठमाडौँ पठाउने तयारी भइरहेको डाक्टर जोशीले जानकारी दिए ।
गत शनिबार पनि एक युवा कोरोना भाइरसको आशंका गर्दै अस्पताल भर्ना भएका थिए ।
प्रतिक्रिया