काठमाडौं । नेपालको लागि टाटा मोटर्सको आधिकारिक वितरक सिप्रदी ट्रेडिङ प्रालीले ‘भ्यालेनटाइन डे’लाई लक्षित गरेर ‘टाटा मोटर्स भ्यालेन्टाइन विक ह्वील्स अफ लभ’ नामक कार्यक्रमको आयोजना गर्ने भएको छ ।

टाटा मोटर्सको थापाथलीस्थित सोरुममा बिहीबारदेखि तीन दिनसम्म यो कार्यक्रम आयोजना हुनेछ । यस अवधिभित्र सोरुममा आउने ग्राहकलाई टाटा मोटर्सले मनोरञ्जनात्मक प्रस्तुतिसहित विभिन्न उपहारहरुले स्वागत गर्नेछ ।

ग्राहकहरुले टाटा मोटर्सको सोरुममा गएर कार्यक्रममा सहभागी भई नयाँ आकर्षक तथा अत्याधुनिक डिजाइनका टाटाको गाडीहरु एच फाईभ, नेक्सन, टियागो र टिगोर लगाएतका गाडिहरु अवलोकन तथा टेस्ट ड्राइभ गर्न सक्नेछन् ।

यस अवधिभित्र सोरुममा आएर टाटाको जुनसुकै मोडलको गाडिहरु खरिद गर्नुहुने ग्राहकहरुलाई कपल टुर टु माल्दिभस, बुकिङ गर्ने ग्राहकहरुलाई डाइमण्ड रिङ, प्रत्येक भ्याल्युएसनमा पफ्र्यूमको साथै निःशुल्क जेन्युइन एसेसरिज, डोर प्राइज, एक वर्षको निःशुल्क रोड टयाक्स तथा टेस्ट ड्राइभ गर्ने ग्राहकलाई पनि आकर्षक उपहार प्रदान गर्नेछ ।