काठमाडौं– अख्तियार दुरुपयोग अनुसन्धान आयोगले नवलपरासीको रामग्राम नगरपालिका–८ का वडाध्यक्ष गोपाल डिस्वा मगरविरुद्ध भ्रष्टाचार मुद्दा दायर गरेको छ ।

स्थानीय सेवाग्राहीको नाता प्रमाणित, घर/गोठ प्रमाणित र सेवा टहल तथा औषधि उपचारको सिफारिस गरेवापत बिना रसिद २ लाख रुपैयाँ (घुस) लिएको अभियोगमा पक्राउ परेका वडाध्यक्ष मगरविरुद्ध आइतबार विशेष अदालतमा भ्रष्टाचार मुद्दा दायर भएको हो ।

अख्तियारका अनुसार वडाध्यक्ष मगरले स्थानीय सेवाग्राहीसँग बार्गेनिङ गरी विभिन्न शीर्षकमा घुस रकम माग्ने गरेका थिए ।

अख्तियारले वडाध्यक्ष मगरविरुद्ध २ लाख रुपैयाँ बिगो दावी गर्दै बिगो अनुसार जरिवाना र १ वर्ष ६ महिना कैद सजाय मागदाबी गरेको छ ।