काठमाडौं- नेकपाका शीर्ष नेताले बोलाएपछि उपसभामुख शिवमाया तुम्बाहाङ्फे बालुवाटार पुगेकी छन् ।

शनिबारको नेकपा सचिवालय बैठकले उपसभामुखको पदबाट राजीनामा दिन लगाएपछि उनले अस्वीकार गरेकी थिइन् । त्यसपछि आइतबार बिहान नेकपाका अध्यक्षद्वय केपी शर्मा ओली र पुष्पकमल दाहाल प्रचण्डले बालुवाटारमा छलफल गरेका थिए ।

छलफलपछि उनलाई बालुवाटार बोलाइएको नेकपा स्रोतले जनाएको छ । उनी बालुवाटर पुग्दा अध्यक्षद्वय ओली र प्रचण्ड, महासचिव विष्णु पौडेल, रक्षामन्त्री ईश्वर पोखरेल लगायतका नेकपाका शीर्ष नेता पनि बालुवाटारमा भेला भएका छन् ।

पार्टीको निर्णयलाई अस्वीकार गरेकी शिवमायाले शीर्ष नेतासँग छलफल गरी निर्णय लिने नेकपाका नेताहरुले बताएका छन् ।