काठमाडौं- पछिल्लो २४ घण्टामा काठमाडौं उपत्यकामा ५४१ कोरोना संक्रमित थपिएका छन् । जसमा  २३६ महिला र ३०५ जना पुरुष रहेको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार काठमाडौंमा ४०२, ललितपुरमा १०५ र भक्तपुरमा ३४ जना कोरोना संक्रमित थपिएका हुन् । त्यसैगरी पछिल्लो २४ घण्टामा काठमाडौंमा ३ र ललितपुमा २ जना गरी ५ कोरोना संक्रमितको मृत्यु भएको छ।

यस्तो छ मन्त्रालयको तथ्यांक

नयाँ संक्रमितसहित हालसम्म काठमाडौंमा मात्र कोरोना संक्रमितको संख्या ९२ हजार ३०७ पुगेको छ । जसमध्ये ४३५ जनाको मृत्यु भएको छ भने ८७ हजार ३१८ जना निको भएका छन्।

यसैगरी ललितपुरमा हालसम्म कोरोना संक्रमितको संख्या १४ हजार २४८ पुगेको छ । जसमा १३१ को मृत्यु भएको छ भने १३ हजार १७३ जना निको भएका छन्।

यस्तै भक्तपुरमा हालसम्म कोरोना संक्रमितको संख्या ८ हजार ३९५ पुगेको छ । जसमा ९७ जनाको मृत्यु भएको छ भने ७ हजार ९११ जना निको भएका छन्।

मन्त्रालयका अनुसार हाल काठमाडौमा ४ हजार ५५४, ललितपुरम ९४४ र भक्तपुरमा ३७८ जना  सक्रिय संक्रमित रहेका छन् ।