वीरगन्ज– पर्साको विन्दवासिनी गाउँपालिका–४ मधुवनस्थित एउटा कुखुरा फर्ममा आगलागी हुँदा करिब १२ लाख रुपैयाँ बराबरको क्षति भएको छ ।
जिल्ला प्रहरी कार्यालय पर्साका अनुसार स्थानीय लालझडी देवीले सञ्चालन गरेको सचिन पोल्टीफर्ममा सोमबार साँझ ६ः३० बजेतिर विधुत सर्ट आगलागी भएको थियो ।
आगलागीबाट पोल्टी फार्ममा रहेको ३ वटा ग्यास सिलिण्डरसहित कुखुराका चल्ला २ हजार १ सय गरी विभिन्न धनमाल जलेर नस्ट भएको प्रहरीले जनाएको छ ।
प्रहरीका अनुसार दमकल र स्थानीयको सहयोगमा करिब १ घण्टाको बीचमा आगो नियन्त्रणमा लिइएको थियो ।
आगलागीमा कूल १२ लाख रुपैयाँ बराबरको क्षति भएको जिल्ला प्रहरी कार्यालय पर्साले जानकारी दिएको छ ।
प्रतिक्रिया