काठमाडौं- इंग्लिस प्रिमियर लिग फुटबल अन्तर्गत शुक्रबार राति भएको खेलमा जित निकाल्दै शेफिल्ड युनाइटेड पाँचौँ स्थानमा उक्लिएको छ ।
घरेलु मैदानमा भएको खेलमा युनाइटेडले वेष्टह्याम युनाइटेडलाई १–० ले पराजित गरेको हो । शेफिल्डका लागि ओली म्याकबर्नीले ५३ औँ मिनेटमा गरेको गोल नै निर्णायक बन्यो ।
जितपछि शेफिल्ड युनाइटेड म्यानचेस्टर युनाइटेड र टोटनह्यामलाई पछि पारेर पाँचौँ स्थानमा उक्लिएको हो । उसको २२ खेलबाट ३२ अंक भएको छ ।
म्यानचेस्टर युनाइटेडको २१ खेलबाट ३१ तथा टोटनह्यामको २१ खेलबाट ३० अंक रहेको छ । पराजित भएको वेष्टह्याम युनाइटेड २१ खेलबाट २२ अंकसहित १६ औँ स्थानमा छ ।
प्रतिक्रिया