काठमाडौं- कोभिड–१९ बाट सङ्क्रमितहरूको सङ्ख्या ५०० भन्दा बढी रहेको नेपालको जिल्लाको सङ्ख्या ९ पुगेको छ भने २ जिल्लामा हाल एक जना पनि सङ्क्रमित छैनन्।
स्वास्थ्य तथा जनसङ्ख्या मन्त्रालयले शनिबारको नियमित लाइभ अपडेटमा गण्डकी प्रदेशका मनाङ र मुस्ताङ गरी २ जिल्लामा कोरोना सङ्क्रमण शून्य रहेको जनाएको हो।
कोभिड-१९ सङ्क्रमण ५०० भन्दा बढीमा देखिएको जिल्लाहरूमा प्रदेश १ को मोरङ र सुनसरी, बागमती प्रदेशको काठमाडौँ, भक्तपुर, ललितपुर र चितवन रहेका छन् ।
त्यसैगरी लुम्बिनी प्रदेशको बाँके र रुपन्देही तथा कर्णाली प्रदेशको सुर्खेतमा ५ सय भन्दा बढी सक्रिय संक्रमित रहेको मन्त्रालयले जानकारी दिएको छ ।
प्रतिक्रिया