काठमाडौं- काठमाडौं महानगरपालिका वडा-१८ मा फुटपाथ पसल र ठेलगाडा संचालनमा रोक लगाइएको छ।

कोरोना भाइरस संक्रमितको संख्या बढेसँगै वडा-१८ ले फुटपाथ पसल र ठेलगाडा संचालनमा रोक लगाएको हो ।

महानगरको नीति बमोजित फुटपाथ पसल संचालन गर्न नपाउने भएकाले वडा क्षेत्रमा उक्त पसल संचालनमा प्रतिबन्ध लगाइएको वडा अध्यक्ष न्हुछेकाजी महर्जनले बताए।

वडाको आग्रह विपरित कसैले फुटपाथ र ठेलगाडा पसल संचालन गरेको पाइएमा कानुन बमोजिम कारवाही गर्ने वडा कार्यालयले जनाएको छ।

काठमाडौं जिल्ला प्रशासन कार्यालयले बिहीबारबाट निषेधाज्ञा खुकुलो गर्दै सीमित व्यापार व्यवसायहरु खोल्न अनुमति दिएको थियो। जसमा फुटपाथ पसल संचालन गर्न पनि प्रशासनले स्वीकृति दिएको थियो ।

तर, वडा-१८ ले भने कोरोनाको जोखिमलाई मध्यनजर गर्दै रोक लगाएको हो ।

वडा कार्यालयद्वारा जारी विज्ञप्ति यस्तो छ-